喜歡飲蘿宋湯,但家裏有人唔食牛肉,所以每次都係煲齋嘅蘿宋湯,其實齋蘿宋湯更有益更美味😋
用料
洋蔥 | 一個 |
薯仔 | 1~2個 |
番茄 | 六個 |
燈籠椒 | 一個 |
小辣椒 | 一隻 |
紫蘇葉 | 六片 |
紅蘿蔔 | 一個 |
本地芹菜 | 兩棵 |
紫蘇蘿宋湯的做法
將洋蔥、薯仔、紅蘿蔔、番茄、燈籠椒不、小辣椒切粒、紫蘇葉切碎備用(今日家裏無芹菜,我用咗歐芹幹代替)
將所有材料放入鍋裏,加兩茶匙番茄沙司(番茄夠多嘅可不用加沙司),開火加入橄欖油翻拌幾下,蓋上鍋蓋(可加少少水,通常我唔加水)
煮十分鐘後加入鹽、雞粉再煮十分鐘
先將材料煮爛然後再加入適量清水(其實煮至二十分鐘後材料未放水都已成糊狀了)
放入清水滾十五分鍾即可,快手美味清新嘅紫蘇蘿宋湯搞掂啦😄
小贴士
先將材料煮二十分再加水,效果會更快更入味
喜歡牛肉、奶油嘅可以因人而異,隨意配搭
選用本地芹菜比西芹野味
加入紫蘇葉又係另一番風味